نقلت الاخت وصال المقيمه في سلطنة عمان وهي بعض القصص عن الجن

السلام عليكم والرحمه
مرحبا جميعا اعضاء منتدى كويتي
اليوم بقولكم قصص واقعيه من سلطنة عمان بس لا تخافوا
ولا تقطعونا من جيتكم عندنا وخاصة لصلاله لان بعض الوقائع من صلاله

قصص واقعيه عن الجن

الحادثه الاولى
فى مره شلة اصحاب راحوا الى منطقة السد فى وادى صحنوت(صلاله) ومعهم عدة السمر من عود وطبل وغيره... وطاب السمر وياليل دان وكانوا يضحكون ومستناسين... وفريب الساعه 2 بالليل ... سمعوا صوت امراه تصيح وتنادى.. فلما توجهوا بانظارهم باتجاه الصوت.. شافوا والعياذ بالله امره بنص جسمها الاعلى (بدون ارجل) ويداها توصل للارض وهى تركض باتجاههم باستخدام ايديها وهى تقول بالعاميه ( عذبتونى هلكتونى عذبتونى هلكتونى) طبعا الشباب لما شافوا ذال المنظر طيران على السيارات... وجوا اليوم الثانى وشلوا عدة السمر

الحادثه الثانيه
هذا فى بيت مسكون بس يقال ان به الجن الصالح وبه عائله ساكنه به من البشر... فمره كانت البنت نائمه فى الغرفه لما سمعت طرق على الباب فاراحت وفتحت الباب.. واذا به اخوها جاء يسالها عن غرض له فاجابته... وخرج الاخ وردت البنت الى النوم... ولكنها لما عادت الى السرير.. تذكرت انا اخاها مسافر الى مسقط من يومين... فتحول لونها الى الازرق من الخوف وركضت الى غرفة اهلها ونامت بينهما الى الصباح

الحادثه الثالثه
مره مجموعه من الشباب كانوا فى طلعه خفيفه الى المغسيل(صلاله) وكانوا جالسين فى احدى الاستراحات... واذا بهم بسياره لاند كروزر تصف فى على مسافه بعيده شوى... وشافوا ثلاث بنات تنزل من السياره .. اكيد باتسالوا كيف شافوهم والسياره بعيد... لانهن كن لابسات عبايات والقمر بدر... فقال واحد من الشباب ليش مانروح ونشوف ايش السالفه فتوجه هو واثنان منهم بهدوء الى قرب السياره... فلما وصلوا قرب السياره تفاجوا بان لااحد فى السياره... ولمحوا البنات على الشاطى تلعب بالرمل بطريقه غريبه جدا بحيث ان كل واحده كانت تاكل من الرمل وهم فى تلك الحاله من الانسجام المشبع بالخوف اذا بيد تتمتد من خلف احدهم فالتفتوا جميعا ... فاذا بامراه كبيره فى السن.... مغبرة الشعر (( شكلها يخوف)) وقالت لهم بصوت رجالى... سيروا احسن لكم.. ولا ماباتشوفون خير... طبعا على طول ركض الى عند اصحابهم ورجوع الى صلاله

الحادثه الرابعه
أم لديها طفلة تبلغ من العمر أربع سنوات وقد ولدت طفل لقد أكملت أربعين يوم فقد هبت للعمل في البيت وفي يوم كانت تعد العشاء لعائلتها تركت بنتها ذات الأربع سنوات تلاعب أخاها في الغرفة وهي بالمطبخ وبعد أنتهائها من أعداد العشاء ذهبت لترى طفلها وفجأه .........

تجد بنتها قد أكلت طفلها وتلتفت البنت لأمها مخاطبةً اياها أماه أن عظمة الرأس قوية لم أستطع أن آكلها
صرخت الأم وقد جن جنونها أغاثوها الجيران وشاهدوا بأنفسهم المنظر بأم أعينهم ...
ما هذا الذي حصل ؟؟؟؟؟؟؟؟؟؟؟؟
نعم أنها قصة واقعية وقعة ببهلاء
حكم على البنت بالقتل إذا كانت بهذا السن وتفعل هكذا فالمستقبل ماذا ستفعل ؟؟؟

الحادثه الخامسه
فيه مره مجموعه من العوائل قرروا يطلعوا رحله الى الخيص (منطقه ساحليه بعيده عن المدن.. قريب مرباط) وواحد من الرجال رفض انه يروح ولما وصلوا هناك اكتشفت حرمة هذا الرجال انها نست الاكل مال ولدها (الله يهدى الحريم) واتصلت بزوجها فقام الرجل واخذ الاكل وتوجه اليهم ووصل.. قريب العشاء... وهناك تعشى معاهم وقرر يرجع بس الاهل قالوا له يبات معهم بس صمم على الذهاب... وفى الرجعه الرجال ضيع الطريق (لانها منطقه اذا ماتعرف طرقها تضيع) وهو يدور على الطريق شاف نار من بعيد فقال اروح واسال هناك عن الطريق فحصل بيت من العريش وعنده رجل شايب وبنت شابه فسالهم عن الطريق.. فقال له الشايب انت الان بات هنا والصباح خير فقامت البنت وجابت للرجل مخده وبطانيه ... وراح الجميع ونام الطيب.. فلما صح الصبح بسبب الشمس حصل نفسه نايم على الارض بدون مخده وكمبل.. ولا توجد هناك اى اثر لبيت العريش والرجل والبنت

الحادثه السادسه
هذي صارت معي:
قريب المغرب وانا بحديقة البيت كنت اقطف ثمر عندنا واشجاره كثيفه سبحان الله اختبيت ورا الشجر لما شفت اخوي محمد طالع من البيت وراح باتجاه المزرعه والوقت مظلم وانا ما ناديته ولا سالته ليش ما اعرف؟
رحت وراه ما لقيته اختفى!!! رحت بالجانب الثاني من البيت شفته يلعب مع ربعه واخواني الثانيين ! سألته ؟ ليه رحت صوب المزرعه بهالوقت شو كنت تسوي؟؟؟ قالي ما رحت وكذبته بس اخواني وربعه حلفوا انه ما تحرك من مكانه ... سألت امي كيف كذا صار ؟؟؟ امي ببرود اعصاب قالتلي هذاك يمكن ولد الجن من اصحاب البيت!! جا الليل وانا مو قادره انام ... رعب

الحادثه السابعه
بنت خالت امي: سحروها وماتت
هذي عمرها يمكن 30 سنه عندها اربع عيال اكبرهم بالصف الرابع كان بسنة 2000 بداية دوام المدرسه
قبل المدرسه باسبوع زوجها الله يصلحه جاب وحده من قرايبه بس من بعيد عجوز وجابها حتى تجلس عندهم كم يوم بدت المدرسه واخذت الحرمه اولادها المدرسه وكان واحد منهم بالصف الاول اخذتهم ووردت البيت بخرة ملابس الحرمه وقالتلها : ياخاله هذي ملابسك مبخره روحي تسبحي راحت العجوز تتسبح . ونظفت الحرمه البيت هي وزوجة زوجها يعني ظرتها وصارت الساعه تقريبا 9:30 جلست هي وظرتها يسولفو وجت جاراتهم وجلسوا مع بعض وسوالف. والعجوز بعدها ما طلعت من الحمام(الله يكرمكم) وكانت الحرمه ترضع بنتها الصغيره عمرها سنه وفجاه طاحت فتقولها وحده من الحريم مو زين ترضعين بنتك وانت راقده قومي ما ردت عليهم الحرمه ولما جوا يشوفوها لقوا عيونها طالعه لبرا وكانه احد خنقها وصار لون وجهها ازرق صرخو الحريم وجوا الناس وعرفوا انها ماتت وكانت بنت زوجها الكبيره جالسه تبكي جمب الحمام طلعت العجوز فتقوله: مالك تبكي ايش اللي صار؟ قالتلها عمتي ماتت.. ردت عليها وقالتلها : هذيك ماتت من زمان.
والساحر لازم يغلط والعجوز غلطت بس ما حد قدر يرد سحرها في وقت العزاء كانو يشوفوا العجوز رايحه بعيد صوب المزارع والجبال ومعها كيس داخله عيش لما الحريم يسالوها من وين جايه او وين رايحه تقول موديه اكل للقطاو اللي هناك والكل عرف انها هي الساحره بعد مده خالي شافها بالعاصمه بس فجاة واختفت ومره شغالتنا مخلصه مرتبه المطبخ بعد الغداء الساعه 2 الظهر طلعت تجيب ماي من براء تنصدم فيها واقفه عند الباب ولما شافوا بعض وجه بوجه هربت الحرمه ويمكن مسكينه كانت جايه تشرب الشغاله حكت لمي اللي شافته وتقولها هي ماتت كيف رجعت امي سكرت على الموضوع وبعد كم يوم انا طالعه براء عند الباب وجمب البيت مقبره بس بعيده وقديمه وصغيره وصارت حوليها بيوت وصارت كانها دوار مو مقبره بس ماحد يدخلها ومحوط عليها بجدار وانا واقفه جمب الباب ما اشوف الا شي كله اسود طلع من المقبره وكانت الساعه تقريبا 10:30 بالليل وصارت تقرب مني وتلتفت يمين وشمال وانا ما مستوعبه الموقف وصرخت ودخل البيت كان خالي اول واح يشوفني وانا داخله بكل قوتي واصارخ خير شو اللي صار بنت خالتك عند الباب قالي من قلتلها فلانه طلع براء ما لقي حد وبعد كم شهر تصوروا الموقف اللي صار اختها وجها بوجه هي وياها اختها طاحت بالفراش اسبوع وعمت الحرمه هذي المتوفيه كانت تحلم انها تدهن ظهرها بكريم وظهرها يا حرام كله ظرب خيزران ولما تصحى العمه كانت ريحت الكريم بيدها ..... الله يرحمها ويصبر اهلها

لاتخافوا هذي مواقف صارت عاديه بس لا تخافوا
تعال عمان تراها حلوه
انا ما اخوفكم بس اطرح نماذج من اللي نعيشه

وانشاء الله الموضوع عجبكم واذا بغيتوا زياده تراني حاضره

تحياتي:::
اختكم وصـــــــــــال

» القصص التربويه كتاب قيم فيه جوهر القصص
» الجن يشرح السيدمرتضى الموسوي الجن والارواح وكيف خلقهم الله
» ما هي النباتات و الأعشاب التى تؤثر فى الجن بإذن لله و تبعد الجن في البيت
» لفك النـحـس مجربة كما نقلت
» هل ارسل رسولا من الجن الى الجن سؤال والاجابة هنا